မိုးကောင်းကင်သည် ကတ္တီပါအနက်ရောင် ပြောင်ပြောင်ကို ဖြန့်ခင်းထား သကဲ့သို့ မည်းမှောင်နေသည်။ ကောင်းကင်သာ ကတ္တီပါဆို ကြယ်ကလေးများမှာ အပ်ပေါက်ရာ သာဖြစ်သည်။ လမင်းကြီး၏ အရိပ်အရောင်ကို တစိုးတစေ့ မှ မတွေ့ ရသောကြောင့် မြန်မာပြက္ဒန်ကို မကြည့်ပြီး ယနေ့ လဆုတ်၁၅ ရက်နေ့မှန်း သိသာစေသည်။ ကြယ်ကလေးများနည်းတူ မီးအားမပြည့်ဝသောကြောင့် မှိတ်တုတ်မှိတ်တုတ် ဖြစ်နေသော ဓာတ်တိုင်မှ မာကျူရီ မီးသီးလေးသည် မြေပြင်ရှိ ဘစ်စကပ်ဘော ကွင်းကြီး၏ တစ်ခုတည်းသော အဖော်သာ ဖြစ်သည်။ မရည်ရွယ်ပဲ ရောက်ရောက်လာသော ဧည့်သည်များကာ လေရူးနဲ ့အတူ ပါလာသော ကျွတ်ကျွတ်အိပ် အမှိုက်များပင် ။ ဂိုထောင်ဟောင်းကြီးကတော့ ပတ်ဝန်ကျင်ကြီး တစ်ခုလုံး သူနဲ့မဆိုင်သလို ထီးထီးကြီး နေလေသည်။ သို့သော် သူ မဆိုင်ချင်သောလဲ ဆိုင်ချင်သော သူများ ရောက်လာသည်။
“ရှပ်…..ရှပ်………ရှပ်”
လူတစ်စုသည် လက်ထဲရှိ ဖယောင်းတိုင်မီးများဖြင့် အမှောင်ကို အံ့တုရင်း ရောက်ရှိလာသည်။ ခေါင်းပေါ်တွင် နင်ဂျာဆန်ဆန်ခြုံထားသော ပဝါများကြောင့် ညအမှောင်ထဲတွင် ပဟေဋ္ဌိ ဖြစ်စေသည်။ ရှေ ့ဆုံးတွင် ခေါင်းဆောင်ဖြစ်ဟန်သူသော လူတစ်ယောက်၏ အဝတ်အစားမှာ ထူးဆန်းသည်။ ဆံပင်ကို အနောက်သို ့လှန်ကာ စုစီးထားသည်။ ပလပ်စတစ်ကြိုးကို လည်ပင်းတွေ တိုင်းဆွဲကာ အစွန်းနှစ်ဖက်တွင် ဖော့ဖိနပ်များကို ချည်ထားသည်။ တခြားသူများကဲ့သို့ ပဝါမခြုံသော်လည်း မျက်နှာကို တစ်ဝက်သိုင်းချည်းထားကာ နဖူးတွင် အဝတ်ကို ခပ်ထူထူပတ်ပြီး နားရွက်ကြားတွင် ယက်တောင် တစ်ချောင်းထိုးထားသည်။ မဂင်္လာဈေးမှ တစ်ရံ ၃၀၀ဝ ထောင် တန်သော All Star ဖိနပ်ကြီးဖြင့် ခြုံကြိုးဖြင့်ဝတ်ရသော ရှမ်းဘောင်ဘီမျိုးကို ယခုခေတ် Rapper အများအတိုင်း ခြေတစ်ဖက်ကို ခြေမျက်စိ တစ်ဝက်ကျော်ကျော်လောက်အထိ ခေါက်ပြီးသိမ်းထားသည်။ သူ့ မျက်စိကို သေချာကြည့်ရင် သိမ်ငယ်သောစိတ် နားကြည်းသောစိတ် သူတစ်ပါးအား မကောင်းကြံသောစိတ်ဓာတ်များကို အတိုင်းသား တွေ့နိုင်သည်။
ထိုသူတို့ ဂိုထောင်အပျက်ကြီးနားရောက်ရှိတော့မည် အချိန်တွင် အလားတူ ပုံဆန်မျိုး များ ဂိုထောင်အနီးမှ ပေါ်ထွက်လာပါသည်။ ထိုသူကိုလဲ ကြည့်ပါဦး….. မျက်လုံးက ပြူးပြူး ဗိုက်က ပူပူ အရပ်ပုပု ထိုကြားထဲ ဆေးပေါ့လိပ် ကြိုက်လွန်းသောကြောင့် နှုတ်ခမ်းများ မည်းတူးနေကာ ကြည့်ရအလွန်ဆို်းသည်။ ထိုသူကာ ဘယ်သူမှ မဟုတ်။ Vakok Forum တွင် GM တွေ မကောင်းကြောင်းပြောလွန်သူ …. Complain အရမ်းတက်လွန်းသူ… ထို့အပြင် Pandora ၏ မှောင်ခို EMU software ဈေးကွက်ကို ဒုတိယ အများဆုံး လက်ဝါးကြီး အုပ်ထားသော် မသေးမျှင် ဆိုသူပင်ဖြစ်သည်။ လောင်ကုတ် အနက်ရောင်ကို ဝတ်ထားသည်။ လည်ပင်းတွင် မာဖလာပတ်ကာ ခေါင်းပေါ်တွင်တင်ထားသော အနက်ရောင် ဦးထုတ်လေးသည် သူ၏ ဆံပင်ရှည်တွေပေါ်တွင် အနည်းငယ်သေးတယောင်ရှိသည်။ လူကောင်ကြီးကြီး ဟိတ်ကြီးဟန်ကြီးဖြင့် အီတလီက မာဖီးယားဂိုဏ်းခေါင်းဆောင် God Father တွေလို ပုံချိုးနေသော်လဲ အရမ်းကြောက်တတ်ကြောင်း အတွင်းလူတွေဆီက သိထားသည်။
